U Mahilovie dyrektara rekłamnaj firmy asudzili pa spravie «Biełaruskaha Hajuna»
U kancy maja ŭ Mahilovie asudzili miascovaha pradprymalnika, dyrektara adnoj z rekłamnych firm Vitalija Čavusava, piša Mayday.team.
Vital Čavusaŭ. Fota z sacyjalnych sietak
Jak udałosia vyśvietlić, jamu stavili ŭ vinu dva artykuły, źviazanyja z tak zvanym «sadziejničańniem ekstremisckaj dziejnaści». Kryminalnaja sprava była źviazana z «spravaj Hajuna».
Vitala Čavusava pryhavaryli da 4 hadoŭ pazbaŭleńnia voli. Padrabiaznaści spravy i režym umoŭ adbyvańnia nieviadomyja.
«Sprava Hajuna» — ahulnaja nazva kryminalnych pracesaŭ i palityčnaha pieraśledu, pačatych adnosna ludziej, jakija dasyłali ŭ čat-bot telehram-kanała «Biełaruski Hajun» infarmacyju pra pieramiaščeńnie vajskovaj techniki na terytoryi Biełarusi. U 2022 hodzie jaho pryznali «ekstremisckim farmavańniem».
Na pačatku lutaha 2025 čat-bot byŭ uzłamany, paśla čaho siłaviki atrymali dostup da asabistych dadzienych tych, chto dasyłaŭ infarmacyju. Z taho momantu pa ŭsioj Biełarusi, u tym liku i ŭ Mahiloŭskaj vobłaści, rehularna adbyvajucca zatrymańni ludziej.