Ukraina viarnuła «Bajraktary» na front
Paśla praciahłaha pierapynku tureckija drony znoŭ pačali vajavać suprać rasijskich akupantaŭ.
Fota Baykar
Ukrainskija vajskoŭcy znoŭ zadziejničali tureckija bieśpiłotniki Bayraktar TB2 u bajavych dziejańniach suprać rasijskich akupantaŭ, paviedamlaje UNIAN sa spasyłkaj na niamiecki telekanał N-tv.
Kamandujučy Vajenna-marskich sił Ukrainy Alaksiej Nieižpapa niekalki dzion tamu apublikavaŭ videa, na jakim Bayraktar TB2 źniščaje rasijski vajskovy katar u račnoj zonie Chiersonščyny. Heta stała pieršym zadakumientavanym vykarystańniem drona za apošnija miesiacy.
Udarny Bayraktar TB2 nabyŭ šyrokuju papularnaść na pačatku poŭnamaštabnaha ŭvarvańnia ŭ 2022 hodzie. Tady hetyja tureckija «ptuški» efiektyŭna źniščali rasijskija tanki i artyleryju.
Adnak paśla madernizacyi rasijskich sistem SPA i srodkaŭ REB, dron straciŭ efiektyŭnaść.
Jak piša Euromaidanpress, užyvańnie Bayraktar ciapier moža śviedčyć pra najaŭnaść uraźlivaściaŭ u rasijskaj supraćpavietranaj abaronie na poŭdni Ukrainy, što adkryło novyja mahčymaści dla dziejańniaŭ ukrainskich bieśpiłotnikaŭ.