Polskija mytniki znajšli ŭ mašynie niemca, jaki jechaŭ ź Biełarusi, biŭni mamanta
Supracoŭniki mytna-padatkovaj słužby ŭ Terespali padčas pravierki lehkavoha aŭtamabila na pamiežnym pierachodzie znajšli ŭ im askiepki biŭnia mamanta.
Fota: lubelskie.kas.gov.pl
Akazałasia, što hramadzianin Hiermanii vioz z saboj vosiem frahmientaŭ kostak, u tym liku adzin daŭžynioj amal 49 sm. Jon patłumačyŭ, što heta padarunak ad siabra, jaki jon chacieŭ dastavić dadomu.
Fota: lubelskie.kas.gov.pl
Pavodle mierkavańnia navukoŭcaŭ, hetyja askiepki — častki biŭnia šarścistaha mamanta, jaki žyŭ u plejstacenie. Ich, chutčej za ŭsio, znajšli ŭ sibirskich adkładach.
Pryblizny košt znojdzienych kostak — kala 3,5 tysiač złotych (kala 875 dalaraŭ), ale ich navukovaje i adukacyjnaje značeńnie značna vyšejšaje.
Ciapier spravaj zajmajecca mytna-padatkovaje ŭpraŭleńnie ŭ Biała-Padlascy, a kančatkovaje rašeńnie adnosna losu hetych artefaktaŭ prymie sud.
Čytajcie taksama:
Žančyna chacieła pravieźci hrošy z Kipra, schavaŭšy ich u prakładkach