Kryvavyja ślady abutku pryviali na łavu padsudnych
Dvoje žycharoŭ Žłobinskaha rajona, jakija padazrajucca ŭ žorstkim źbićci ziemlaka, paŭstanuć pierad sudom.
Fota: Dziaržkamitet sudovych ekśpiertyz
Drama z kryminalnymi nastupstvami razyhrałasia viasnoj. U adzin z krasavickich dzion žychar Žłobina sustreŭsia z dvuma ziemlakami. «Udałaje» znajomstva vyrašyli adznačyć.
Adnak zamiest siabroŭskaj hutarki ałkahol spravakavaŭ kanflikt, jaki pieraros u źbićcio. U vyniku adzin z mužčyn ź ciažkimi cialesnymi paškodžańniami apynuŭsia na balničnym łožku.
Rabotniki Žłobinskaj centralnaj rajonnaj balnicy ab pastupleńni pacyjenta ź niebiaśpiečnymi dla žyćcia traŭmami paviedamili ŭ milicyju. Śledča-apieratyŭnaja hrupa vyjechała na miesca zdareńnia, paviedamlaje Dziaržkamitet sudovych ekśpiertyz
Na tratuarnaj plitcy pobač z handlovym paviljonam, dzie adbyŭsia kanflikt, śpiecyjalist Dziaržaŭnaha kamiteta sudovych ekśpiertyz vyjaviŭ ślady abutku. Jany ŭjaŭlali saboj rečyva čyrvonaha koleru, mierkavana, kryvi.
Vyjaŭlenyja ślady nakiravali ŭ Dziaržkamitet sudovych ekśpiertyz dla praviadzieńnia trasałahičnaj ekśpiertyzy. Pavodle zaklučeńnia ekśpierta, jany supali z abutkam, kanfiskavanym u dvuch raniej zatrymanych žycharoŭ Žłobina, ź jakimi paciarpieły napiaredadni špitalizacyi ŭžyvaŭ śpirtnoje.
Heta zaklučeńnie stała važkim paćvierdžańniem datyčnaści dueta da naniasieńnia ciažkich cialesnych paškodžańniaŭ mužčynu.
Žłobinskim rajonnym adździełam Śledčaha kamiteta rasśledavańnie pa kryminalnaj spravie zavieršana. Materyjały nakiravany ŭ sud.