«Spačatku treba zrabić raźličeńnie z «russkim mirom». Paźniak vystupiŭ rezka suprać akcyi Cichanoŭskich u Varšavie
Vieteran biełaruskaha ruchu Zianon Paźniak pabačyŭ u siecivie abjavu pra pryznačanuju na 26 červienia akcyju salidarnaści z palitviaźniami ŭ Varšavie, jakuju ładziać Siarhiej i Śviatłana Cichanoŭskaja, i rezka raskrytykavaŭ hetu ideju.
Zianon Paźniak
«Mušu adrazu skazać. U palitycy heta tak nie pracuje. Pierš čym zaklikać biełarusaŭ da akcyi, treba zrabić raźličeńnie z «russkim mirom», z «Pucin mudry», z «vmiestie s Rośsijej», z «Miratvorcam», z prarasiejskaj pazicyjaj, jakaja zastałasia i nie rastłumačana», — zajaviŭ Zianon Paźniak.
«Źmiena rytoryki ničoha nie značyć biez palityčnaha raźličeńnia. Toj, chto zaklikaje da svabody Biełarusi, musić artykulavać, pra jakuju svabodu jon kaža.
Bo svaboda Biełarusi — heta svaboda ad akupacyi i ahresii viečnaha voraha Biełarusi — ad Rasiei, ad jaje pramaskoŭskaha režymu ŭ Biełarusi. Dyk Rasieja vorah ci nie! Paśla stanoŭčaha adkazu na hetyja pytańni jość sens u zmahańni za volu i dolu Biełarusi», — padkreśliŭ jon.
Varta adznačyć, što na pieršaj pres-kanfierencyi paśla vyzvaleńnia Siarhieju Cichanoŭskamu zadali pytańni adnosna jaho staŭleńnia da Rasii, Pucina i vajny va Ukrainie. Adkaz byŭ adnaznačny:
«Naš supolny vorah — heta pucinskaja ŭłada. Pakul jana nie ruchnie, nijakaj pieramohi ŭ Biełarusi nie budzie».
Što da vajny va Ukrainie, to jon zajaviŭ nastupnaje:
«Ja absalutna padtrymlivaju Ukrainu. Prezidentu Zialenskamu vypała takaja ciažkaja dola. Voś toje, što ja pieražyŭ, heta ništo ŭ paraŭnańni z tym, što jon pieražyŭ. Jon dla mianie hieroj. Ja jaho padtrymlivaju absalutna i biezraździelna».
Čytajcie taksama:
Siarhiej i Śviatłana Cichanoŭskija sustrenucca ź biełarusami Varšavy
Siarhiej Cichanoŭski: Ja — pieršy džentlmien Biełarusi
Nieviadomyja sprabujuć naniać fatohrafa dla zdymki prysutnych na sustrečy ź Cichanoŭskim u Varšavie