U łabavym sutyknieńni ŭ Viciebskim rajonie zahinuła 11-hadovaja dziaŭčynka
24 červienia kala 10:40 ranicy 18-hadovy žychar Viciebska, kirujučy aŭtamabilem Nissan Sentra, sprabavaŭ abahnać inšy transpart kala ahraharadka Mazałava. Padčas manieŭru jon vyjechaŭ na pałasu sustrečnaha ruchu i sutyknuŭsia z aŭtamabilem Kia Sportage, u jakim jechali turysty z Rasii, paviedamlaje Śledčy kamitet.
U vyniku avaryi 11-hadovaja dziaŭčynka, jakaja znachodziłasia ŭ Kia, atrymała ciažkija traŭmy i pamierła ŭ balnicy. Kiroŭca i 47-hadovaja pasažyrka Kia paśla miedycynskaj dapamohi byli adpuščanyja. Kiroŭca Nissan i 11-hadovy chłopčyk-pasažyr Kia zastajucca ŭ reanimacyi.
Śledčyja vyśvietlili, što małady vadziciel atrymaŭ pravy tolki ŭ krasaviku hetaha hoda. Na momant avaryi jon byŭ ćviarozy.
U dačynieńni da jaho zaviali kryminalnuju spravu pavodle artykuła 317 Kryminalnaha kodeksa Biełarusi — za parušeńnie praviłaŭ darožnaha ruchu, što paciahnuła śmierć čałavieka pa nieaściarožnaści.