Rasijskija čynoŭniki chočuć pavypraŭlać padručniki historyi ŭ krainach SND — im nie padabajecca, jak pra Rasiju tam pišuć
Padručniki pa historyi ŭ krainach SND majuć niehatyŭnyja traktoŭki pra rolu Rasii, paviedamiŭ ministr aśviety RF Siarhiej Kraŭcoŭ u Dziarždumie.
Pamočnik prezidenta Rasii Uładzimir Miadzinski z padručnikam rasijskaj historyi. Fota: ahienctva «Maskva»
Rasija maje namier uzhadnić z šeraham krain SND adzinyja padychody da ahulnaha histaryčnaha minułaha.
Pa słovach Kraŭcova, u padručnikach histaryčny materyjał vykładzieny «biez adpaviednaści pryncypam histaryzmu i abjektyŭnaści pry razhladzie historyi šerahu dziaržaŭ».
«Pierš za ŭsio, heta tyčycca našaha ahulnaha minułaha, pieryjadu znachodžańnia terytoryi respublik u składzie Savieckaha Sajuza, jakija ŭ cełym majuć niehatyŭny charaktar u adnosinach da Rasii», — skazaŭ ministr, jaki piša z pamyłkami.