U siektary Haza zahinuli siem izrailskich vajskoŭcaŭ
Na poŭdni siektara Haza padčas naziemnaj apieracyi suprać paleścinskaj hrupoŭki CHAMAS, zahinuli 7 izrailskich vajskoŭcaŭ. Pra heta paviedamiła Armija abarony Izraila.
Ilustracyjnaje fota: Ariel Schalit / AP
Taksama paviedamlajecca ab atrymańni ciažkich ranieńniaŭ jašče adnym vajskoŭcam. Zahinuli aficer i šeść bajcoŭ z 605-ha bataljona bajavoha inžyniernaha korpusa. Jak pišuć izrailskija ŚMI, u horadzie Chan-Junis vybuchnuła vybuchovaje prystasavańnie, prymacavanaje da broniemašyny, u jakoj znachodzilisia vajskoŭcy.
Apublikavanyja imiony zahinułych, im było ad 19 hadoŭ da 21 hoda.
Havorka idzie pra adny z samych vialikich adnamomantavych stratach padčas izrailskaj apieracyi ŭ Hazie.
Usiaho ŭ bajach z kastryčnika 2023 hoda zahinuli sotni vajskoŭcaŭ, u tym liku 19 — z momantu adnaŭleńnia naziemnaj apieracyi ŭ červieni hetaha hoda. Pa śćviardžeńniach miedycynskaha viedamstva Hazy, padkantrolnaha CHAMAS, u siektary zahinuli bolš za 56 tysiač čałaviek.