Źjaviŭsia rejtynh samych darahich haradoŭ śvietu. Na jakim miescy Minsk?
Analityčny servis Numbeo pradstaviŭ abnoŭleny śpis samych darahich dla pražyvańnia haradoŭ u 2025 hodzie. U rejtynhu — 404 harady.
Šviejcarskija harady zaniali pieršyja šeść radkoŭ u rejtynhu samych darahich dla žyćcia, piša myfin.by.
U pryvatnaści, heta Ciurych, Ženieva, Bazel, Łazana, Łuhana i Biern.
U top-10 taksama ŭvajšli Ńju-Jork (ZŠA), Rejkjavik (Isłandyja), Hanałułu (Havai, ZŠA) i San-Francyska (ZŠA).
Minsk raźmiaściŭsia na 367-m radku abnoŭlenaha rejtynhu. Heta śviedčyć ab nizkim uzroŭni koštu žyćcia ŭ biełaruskaj stalicy ŭ paraŭnańni z bolšaściu jeŭrapiejskich i suśvietnych miehapolisaŭ, pradstaŭlenych u daśledavańni.
Dla paraŭnańnia: Ryha zaniała 206-je miesca, Vilnius — 210-je, Varšava — 211-je, Maskva — 230-je, Jerevan — 257-je, Tbilisi — 316-je, Baku — 340-je, Astana — 366-je, Taškient — 370-je.
Tradycyjna ŭsim haradam prysvojvajecca «vartasny» indeks, jaki raźličvajecca adnosna cenaŭ Ńju-Jorka (pakazčyki amierykanskaha horada ličacca za 100%).
Ekśpierty analizujuć košt praduktaŭ charčavańnia, restaranaŭ, arendnaj płaty, pakupnickuju zdolnaść nasielnictva.
Čytajcie taksama:
Apublikavany rejtynh samych darahich krain dla žyćcia. Na jakim miescy Biełaruś?