Z-za chałodnaha nadvorja turfirmy pieranosiać łavandavyja ekskursii

U Biełarusi turfirmy vymušanyja pieranosić «łavandavyja ekskursii», bo z-za chałodnaha nadvorja łavanda nie zaćviła ŭ zvykły termin. Zvyčajna siezon jaje ćvicieńnia prypadaje na pieryjad z 25 červienia da 20 lipienia, ale ŭ 2025 hodzie pryroda krychu źmiaściła hrafik, paviedamiŭ Respublikanski sajuz turystyčnaj industryi.

Fota ilustracyjnaje

Šmatlikija ahrasiadziby i fiermierskija haspadarki, dzie vyroščvajuć łavandu, supracoŭničajuć z turystyčnymi kampanijami, kab pryciahvać haściej na kvitniejučyja pali. Ludzi tam z zadavalnieńniem fatahrafujucca, nabyvajuć duchmianyja suvieniry i adpačyvajuć na pryrodzie.

Adnak ekskursii, što byli zapłanavany na vychadnyja 28—29 červienia, mohuć nie adbycca, bo łavanda jašče nie całkam raspuściłasia.

Arhanizatary abiacajuć, što ŭžo ŭ siaredzinie nastupnaha tydnia, kali buduć doŭhija vychadnyja, pajezdki adnoviacca. Jany prosiać prabačeńnia — i ad svajho imia, i ad imia łavandy.

Darečy, sinoptyki abiacajuć, što nadvorje nieŭzabavie palepšycca.

Kamientary da artykuła