«Ja słužu dva dni na miesiac». Biełarus raskazaŭ pra svaju słužbu ŭ armii ZŠA i zarobak

«Zarobku chapaje na vypłatu ipateki, aŭto i restarany», — pryznajecca Jaŭhien Łucki.

Jaŭhien Łucki. Skryn videa: seointhearmy / TikTok

Biełarus Jaŭhien Łucki piaty hod słužyć u armii ZŠA. U Amierycy jon žyvie pa hryn-karcie. U svaim tyktoku chłopiec raskazvaje ab žyćci i słužbie.

«Ja słužu ŭ armii ZŠA dva dni na miesiac. Astatni čas ja zajmajusia svaim cyvilnym žyćciom. Heta nazyvajecca słužyć u hvardyi ci ŭ armii reziervu, armii zapasu», — dzielicca Jaŭhien.

Pa jaho słovach, na pačatku słužby navabraniec kala paŭhoda prachodzić roznyja treninhi. Bazavy treninh składaje 10 tydniaŭ. Dalej, u zaležnaści ad śpiecyjalnaści, jašče 9-10 tydniaŭ.

«Astatni čas ty potym słužyš, źjaŭlajučysia dva dni na miesiac i dva tydni letam na zbory», — zaŭvažaje mužčyna.

@seointhearmy Słužba Armii SŠA vsieho 2 dnia v miesiac! Ja słužu v nacionalnoj hvardii štata Piensilvanija užie 5 let. Kstati, v každom štatie, svoja hvardija. Snačała prošieł trieninh piechoty, a potom vyučiłsia na Finansista. Začiem mnie eto nado? Sčitaju, čto mužčina dołžien umieť obraŝaťsia s raznym oružijem i umieť vyživať. Odnako, jesť jeŝio riad bonusov, radi kotorych ludi (v tom čiśle i naši) idut v nacionalnuju hvardiju. I ob etom ja rasskažu v śledujuŝich vidieo Podpišiś! #armija #amierika #sša #hrinkarta #pieriejezdvsša ♬ original sound - Łuckij | Markietołoh | Hvardiejec

Jaŭhien raskazvaje, što raniej słužyŭ u Nacyjanalnaj hvardyi ad armii (Army National Guard), ciapier u Nacyjanalnaj hvardyi ad vajenna-pavietranych sił ZŠA (Air National Guard).

U infarmacyi da svajho videa Jaŭhien dadaje, što kožny štat maje svaju Nacyjanalnuju hvardyju. Jon słužyć u štacie Piensilvanija.

«Spačatku prajšoŭ treninh piachoty, a zatym vyvučyŭsia na finansista», — dzielicca mužčyna.

U inšym videa Jaŭhien raskazvaje pra svoj zarobak.

Štomiesiac jamu naličvajuć 6320 dalaraŭ. Paśla vyličeńnia padatkaŭ i inšych vypłat jon maje 5710 dalaraŭ.

Z hetaj sumy 1660 dalaraŭ idzie na apłatu ipateki — u minułym hodzie mužčyna nabyŭ dom za 262 tysiačy dalaraŭ. Ale z vypłataj ipateki za tryccać hadoŭ jaho košt składzie 700 tysiač dalaraŭ.

Jak davodzić Jaŭhien, kali b jon ź siamjoj arandavaŭ žyllo, to za miesiac płaciŭ by kala 1800-2000 dalaraŭ. Za tryccać hadoŭ na arendu jakraz i syšła b suma ŭ 700 tysiač. Adnak pry hetym svajho žylla tak i nie było b.

@seointhearmy Dochody raschody riadovoho v SŠA. Apdiejt 2025 hoda. #sša #armija #amierika #hrinkarta #pieriejezdvsša #rabotavsša ♬ Wow - Official Sound Studio

Nastupny radok u štomiesiačnych vydatkach — heta apłata kamunalnych pasłuh. Na heta, pa słovach mužčyny, sychodzić kala 500 dalaraŭ. Strachoŭka aŭtamabila abychodzicca pryblizna ŭ 185 dalaraŭ na miesiac. A voś miedycynskaja strachavańnie ŭsioj siamji vajskoŭca biaspłatnaje.

Na ježu, adzieńnie, naviedvańnie kafe i restaranaŭ, pa słovach Jaŭhiena, sychodzić kala 2000 dalaraŭ.

Takim čynam, jak padsumoŭvaje mužčyna, paśla ŭsich vydatkaŭ na rukach u jaho zastajecca 1365 dalaraŭ.

Pa słovach Łuckaha, u amierykanskaj armii kožnyja dva hady pavyšajuć zarobak. Akramia hetaha, kožny hod adbyvajecca jaho indeksacyja.

«U hetym hodzie, jak Tramp staŭ prezidentam, jon istotna padniaŭ zarobak. To-bok u mianie akład byŭ 2600, a Tramp padpisaŭ ukaz, i ŭ mianie akład staŭ 3500», — pryznajecca Łucki.

Kamientary da artykuła