ZŠA pieraviali svaje blizkaŭschodnija bazy ŭ stan pavyšanaj bajavoj hatoŭnaści

Paśla rakietnaha ŭdaru Irana pa amierykanskich vajskovych abjektach u Katary ZŠA pieraviali piać svaich baz na Blizkim Uschodzie ŭ režym pavyšanaj bajavoj hatoŭnaści. Siarod ich — baza Kasrak u Siryi, Ajn-al-Asad u Iraku, a taksama bazy ŭ Katary, Bachrejnie i Kuviejcie.

Fota ilustracyjnaje

Rašeńnie pryniali na fonie mahčymych dalejšych napadaŭ z boku Irana abo padkantrolnych jamu hrupovak. Jak paviedamlaje Reuters, baza Kasrak pryviedzienaja ŭ stan poŭnaj bajavoj hatoŭnaści. IRIB News udakładniaje, što anałahičnaja situacyja i na inšych abjektach ZŠA ŭ rehijonie.

Paśla incydentu niekalki krain Piersidskaha zaliva — Irak, AAE, Bachrejn i Kuviejt — časova zakryli svaju pavietranaje prastoru. Heta paćviardžajuć danyja z sajta Flightradar24.

Incydent adbyŭsia 23 červienia: Iran zapuściŭ šeść rakiet pa amierykanskaj avijabazie Al-Udeid u Katary. Al-Udeid źjaŭlajecca najbujniejšaj vajskovaj bazaj ZŠA ŭ rehijonie i apieratyŭnym štabam centralnaha kamandavańnia.

Vydańnie The New York Times sa spasyłkaj na krynicy paviedamiła, što Iran nibyta zahadzia papiaredziŭ ułady Katara pra namier atakavać i dziejničaŭ u kaardynacyi z katarskimi čynoŭnikami. Pavodle hetaj infarmacyi, Tehieran imknuŭsia da simvaličnaha adkazu na niadaŭnija ŭdary ZŠA pa jaho jadziernych abjektach, nie davodziačy situacyju da šyrokamaštabnaj vajny.

Kamientary da artykuła