Padčas ruchu zahareŭsia ciahnik Žłobin — Kalinkavičy
23 červienia kala 18:55 na pierahonie pamiž stancyjami Astankavičy i Chałodniki zahareŭsia ciahnik rehijanalnych linij №6427, jaki ruchaŭsia z Žłobina ŭ Kalinkavičy.
Fota ilustracyjnaje
Pažar uźnik u trecim vahonie — zaharełasia elektraabstalavańnie.
Ahniu chutka dała rady łakamatyŭnaja bryhada. U ciahniku było kala 30 pasažyraŭ, nichto nie paciarpieŭ.
U vyniku incydentu ciahnik mieŭ spaźnicca da Kalinkavičaŭ prykładna na 1 hadzinu 25 chvilin.