Maładyja biełarusy nabyli dom za 42 rubli i pieraroblivajuć jaho ŭ zdymačnuju placoŭku
Dom u malaŭničych miaścinach niepadalok ad Minsku maładziony nabyli praz aŭkcyjon. Ciapier jany aktyŭna pracujuć na ŭčastku: piłujuć drevy i vyvoziać śmiećcie. Całkam praces pakupki i akulturvańnia ŭčastku entuzijasty apisvajuć u tyktoku.
Dom, što vykupili maładziony. Skrynšot ź videa: @gdcland / TikTok
Maładyja ludzi pryhladzieli rajon za 100 kiłamietraŭ ad Minska jašče letaś. Tady jany źviarnulisia da staršyni sielsavieta — jon daŭ im adrasy damoŭ, pa jakich u hetych miaścinach projdzie aŭkcyjon.
Na ŭčastak, jaki byŭ im daspadoby, jany stali adzinymi achvotnymi. Pakupka 75-hadovaha doma i terytoryi na 29 sotak kaštavała im adnu bazavuju vieličyniu — 42 rubli.
Prykłady damoŭ, što pradajucca pa 42 rubli. Skrynšoty ź videa: @gdcland / TikTok
Udzieł u aŭkcyjonie kaštavaŭ 8 rubloŭ, ale ŭ vypadku projhryšu heta suma viartałasia b. Jašče 128 rubloŭ daviałosia zapłacić za rekłamu aŭkcyjona ŭ haziecie i inšyja dakumienty. 250 rubloŭ kaštavała praca ziemlamieraŭ — jany acanili ŭčastak i pa pierymietry pastavili kałki.
Paśla maładzionam vydali dakumient, ź jakim jany mohuć atrymać pašpart na dom.
Dziaŭčyna kaža, što vybrany imi dom maje kamienny fundamient, stol u idealnym stanie, mocnyja ścieny i padłohu. Ale z adnaho boku doma prahniło nižniaje bierviano, tamu jaho treba budzie zamianić. Stol maładziony taksama źbirajucca ŭsio ž adramantavać, ale paźniej.
Unutry jość dźvie piečy, jakija dziesiać hadoŭ nichto nie vykarystoŭvaŭ. Ich maładziony prybiaruć — jak i śmiećcie, i staruju meblu.
Na ŭčastku jany pracujuć užo druhi siezon: minułym letam pryjazdžali šeść razoŭ, kab adčyścić terytoryju ad kustoŭ, lišniaj travy i drevaŭ. Ale heta akazałasia biessensoŭnaj zadumaj.
«Usio, što letaś my vysiekli, sioleta vyrasła znoŭ. Šeść pajezdak abyšlisia pryblizna ŭ 100 rubloŭ kožnaja — heta bienzin, ježa i inšaje», — tłumačyć dziaŭčyna.
@gdcland Počiemu vyzvali pohruzčik i traktor dla vyvoza musora s učastka za 1 bazovuju #domzabazovuju #kupilidom #pieriediełkadoma #učastokzabazovuju #kupiliučastok #riestavracija #domzahorodom #zabrošiennyjdom ♬ orihinalnyj zvuk - GDC Land
Sioleta biełarusy vyrašyli zakazać na ŭčastak techniku. Pahruzčyk, što prybiraŭ śmiećcie, kaštavaŭ 100 rubloŭ na hadzinu. Dapamahaŭ taksama i traktar — za 80 rubloŭ na hadzinu. Jama, kudy vyvozili niepatrebnyja raśliny, była daloka — šlach da jaje zajmaŭ dadatkovy čas. Ahułam technika pracavała kala 15 hadzin i akulturyła 15 sotak ziamli, što kaštavała 2700 rubloŭ.
Dom pierad pracaj techniki i paśla. Skrynšoty ź videa: @gdcland / TikTok
«Tam, dzie byŭ zaraśnik kustoŭ maliny i dzirvan, atrymałasia daŭžej vyvozić śmiećcie, čym z tych miescaŭ, dzie raśli vialikija drevy, kusty i było kareńnie.
Tak, dzirvan možna było raskidać pa ŭčastku i ŭsio potym razraŭniać, ale nam skazali, što lepš heta rabić vosieńniu, kab usio paśpieła pierahnić, i potym uviesnu razraŭniać płuham», — kaža aŭtarka videa.
U tyktok-profili maładych ludziej paznačana, što na ŭčastku jany płanujuć stvaryć placoŭku dla zdymak kino.