Kit Kiełah prakamientavaŭ svoj vizit u Minsk
Śpiecpasłańnik administracyi prezidenta ZŠA Donalda Trampa Kit Kiełah u sacsietcy X koratka prakamientavaŭ svoj niadaŭni vizit u Biełaruś, u vyniku jakoha na volu vyjšli 14 palitviaźniaŭ, uklučajučy Siarhieja Cichanoŭskaha.
Kit Kiełah i Alaksandr Łukašenka ŭ Pałacy Niezaležnaści ŭ Minsku
«U cełym vydatnaja kamandnaja praca. Naša delehacyja sustrełasia z kiraŭnikom Biełarusi Łukašenkam i jaho kamandaj. Džon Koŭł (namieśnik Kiełaha. — NN) vioŭ pieramovy adnosna dvuchbakovych adnosin pamiž ZŠA i Biełaruśsiu, u vyniku čaho byli vyzvalenyja 14 palityčnych źniavolenych, jakija doŭha ŭtrymlivalisia, z šaści krain, u tym liku ź Japonii i Polščy.
Ja abmiarkoŭvaŭ vajnu pamiž Rasijaj i Ukrainaj i toje, jak prezident Donald Tramp prykładaje ŭsie namahańni, kab spynić vajnu i spynić krovapralićcie. Prezident Tramp praciahvaje sadziejničać miru praź siłu», — napisaŭ Kit Kiełah.