Rasijski resurs paviedamiŭ pra vyzvaleńnie błohiera Rusłana Lińnika
U kastryčniku 2024 u błohiera Rusłana Lińnika skončyŭsia pryznačany termin, ale jaho nie vypuścili i zaviali niejkuju novuju kryminalnuju spravu.
Pa infarmacyi SOTA, vyzvaleńnie błohiera adbyłosia niekalki dzion tamu. Lińnik zastajecca ŭ Biełarusi.
Inšych paćviardžeńniaŭ hetaj infarmacyi niama.
Rusłan Lińnik — jutub-błohier, da lutaha 2021 hoda jaho kanał mieŭ bolš za 90 tysiač padpisantaŭ.
20 lutaha 2021 hoda Rusłana zatrymali ŭ Viciebsku.
U vieraśni 2021 hoda sud pryznaŭ Rusłana Lińnika vinavatym pa čatyroch artykułach, u tym liku abraza i paklop na Łukašenku (art. 367, 368), abraza pradstaŭnika ŭłady (art. 369), paklop (art. 188).
Jaho asudzili na 4 hady kałonii ahulnaha režymu.
8 kastryčnika 2024 hoda, kali termin źniavoleńnia skončyŭsia, jaho nie vyzvalili. Aryštavali znoŭ, zaviali novuju kryminalnuju spravu. Čym jana skončyłasia, nieviadoma.