U vojsku pačynajucca maštabnyja vučeńni avijacyi
Z 23 pa 27 červienia pravodziacca lotna-taktyčnyja vučeńni z avijacyjaj Vajenna-pavietranych sił i vojskaŭ supraćpavietranaj abarony, paviedamlaje Minabarony.
Ilustracyjnaje fota Minabarony
Na vučeńniach buduć adpracoŭvacca pytańni:
— vyviadzieńnia avijacyjnych padraździaleńniaŭ z-pad umoŭnaha ŭdaru srodkaŭ pavietranaha napadu praciŭnika;
— avijacyjnaj padtrymki vojskaŭ, što ažyćciaŭlajuć pošuk, błakiravańnie, źniščeńnie naziemnaha praciŭnika;
— naniasieńnia avijacyjnych udaraŭ pa naziemnych celach;
— źniščalnaha prykryćcia inšych rodaŭ avijacyi;
— viadzieńnia pavietranaj raźviedki;
— naniasieńnia avijacyjnych udaraŭ pa vyjaŭlenych celach;
— vykanańnia transpartna-desantnych zadač;
— adbićcia ŭdaraŭ srodkaŭ pavietranaha napadu praciŭnika;
— evakuacyi lotnaha składu, jaki paciarpieŭ biedstva.
Taksama paviedamlajecca, što asnoŭnaja ŭvaha budzie nadadziena ŭdaskanaleńniu kamandzirskaj padrychtoŭki i praktyčnych navykaŭ lotnych ekipažaŭ u chodzie viadzieńnia bajavych dziejańniaŭ, vypracoŭcy ŭ asabovaha składu vysokich bajavych i maralna-psichałahičnych jakaściaŭ.