Źjavilisia pieršyja spadarožnikavyja zdymki jadziernaha abjekta ŭ Fardo paśla ataki ZŠA

Analityki razhledzieli prynamsi šeść varonak ad bojeprypasaŭ. Celili ŭ centryfuhi dla ŭzbahačeńnia ŭranu.

Varonki ad udaraŭ VPS ZŠA pa jadziernym abjekcie ŭ iranskim Fardo. Fota: Maxar

Pra heta paviedamlaje vydańnie The Insider sa spasyłkaj na OSINT-analityka Demijena Sajmana.

Na aktualnych spadarožnikavych zdymkach z sajta Maxar, jakija jon apublikavaŭ, bačna jak prynamsi šeść uvachodnych adtulin abo varonak ad bojeprypasaŭ na pavierchni nad padziemnym jadziernym abjektam u iranskim Fardo. Hetyja adtuliny, što ŭtvarylisia paśla avijaŭdaraŭ ZŠA, raźmieščany na viaršyni hornaha chrybta prosta nad padziemnym kompleksam.

Trochmiernaja madel jadziernaha abjekta ŭ iranskim Fardo. Fota: Maxar

Open Source Centre apublikavaŭ trochmiernuju madel abjekta, stvoranuju ekśpiertami arhanizacyi pavodle tapahrafičnaha płana. Na vyjavie bačna, u jakija častki abjekta ŭ Fardo byli naceleny ŭdary. Na dumku analitykaŭ, cellu ŭdaraŭ, vierahodna, była kaskadnaja zała, u jakoj znachodziacca centryfuhi dla ŭzbahačeńnia ŭranu.

Analityki The Intel Lab i Orion Intel stvaryli vizualizacyju jadziernaha abjekta ŭ Fardo.

Under #Iran's Amad Superorganizational Plan, #Fordow Fuel Enrichment Plant (Al Ghadir) was built with the intention and purpose to make weapon-grade uranium for 1-2 #nuclear weapons per year. In this collaboration with @Orion__int, we present you Fordow as never seen before. pic.twitter.com/fdBQZDySYs

— The Intel Lab (@TheIntelLab) May 29, 2021

U noč na 22 červienia VPS ZŠA nanieśli ŭdary pa troch klučavych jadziernych abjektach Irana — u Fardo, Natanzie i Isfachanie. Hetyja abjekty raniej užo bambili VPS Izraila, adnak nie było pradstaŭlena dokazaŭ taho, što abjektu ŭ Fardo, jaki znachodzicca hłyboka pad ziamloj, była naniesiena niejkaja škoda.

Kamientary da artykuła