Na voli eks-dacentka MDŁU Natalla Dulina — najlepšaja italjanistka krainy
Dulina siarod tych 14 palitviaźniaŭ, jakich vyzvalili 21 červienia ŭ vyniku vizitu ŭ Minsk śpiecpradstaŭnika prezidenta ZŠA Donalda Trampa Kita Kiełaha.
Natalla Dulina. Fota: «Naša Niva»
Natalla Dulina — byłaja dacentka kafiedry italjanskaj movy MDŁU. Jana ličycca najlepšaj italjanistkaj krainy. Jaje zvolnili z MDŁU za padtrymku adličanych studentaŭ i represavanych kaleh.
Žančyna była aryštavanaja 3 kastryčnika 2022 hoda. Minimum šeść siłavikoŭ jaje zatrymlivali. Da hetaha ciaham hoda Natallu zatrymlivali čatyry razy i sudzili pavodle palityčna matyvavanych administracyjnych artykułaŭ.
Dacentku abvinavacili ŭ «sadziejničańni ekstremisckaj dziejnaści» i «hrubym parušeńni hramadskaha paradku». U vyniku joj vynieśli prysud u 3,5 hoda źniavoleńnia.
Termin Dulina adbyvała ŭ žanočaj kałonii ŭ Homieli.
Paśla vyzvaleńnia jaje pryvieźli razam ź inšymi palitviaźniami ŭ Vilniu.
Vyzvalenyja palitviaźni i Franak Viačorka. Fota: Ofis Cichanoŭskaj