Transpartnuju kampaniju aštrafavali za vykarystańnie «miortvych duš»
Pry praviadzieńni dziaržaŭnych zakupak vyśvietliłasia, što transpartnaja kampanija «Elmivita», jakaja akazvaje pasłuhi ludziam ź invalidnaściu, niezakonna karystałasia padatkovaj lhotaj u 15%, piša pres-słužba Ministerstva antymanapolnaha rehulavańnia i handlu.
Fota ilustracyjnaje
Arhanizacyja zajaŭlała, što ŭ joj pracujuć ludzi ź invalidnaściu, kab atrymać pieravahi pry ŭdziele ŭ tendarach. Ale padčas pravierki MARH było ŭstanoŭlena, što ź lutaha pa listapad 2023 hoda takich rabotnikaŭ faktyčna nie było.
U vyniku sud pryznaŭ parušeńnie i aštrafavaŭ kampaniju na 4200 rubloŭ, a jaje kiraŭnika — bolš čym na 800 rubloŭ. Rašeńni suda ŭstupili ŭ siłu i nie byli abskardžanyja.