Novaja Ziełandyja pašyryła svaje sankcyi na dźvie biełaruskija kampanii
19 červienia 2025 hoda Novaja Ziełandyja ŭviała dadatkovyja sankcyi ŭ adkaz na vajnu Rasii suprać Ukrainy. U sankcyjny śpis trapili dźvie biełaruskija kampanii i ich kiraŭniki.
Zavod «Lehmaš» u Oršy. Fota: Jandeks
Pad novaziełandskija abmiežavańni hetym razam trapili:
- AAT «Zavod Lehmaš» z Oršy i jaho dyrektar Uładzisłaŭ Paŭlenka. Hetaje pradpryjemstva, jakoje raniej zajmałasia šviejnym abstalavańniem, a ciapier vyrablaje detali da bojeprypasaŭ, u tym liku reaktyŭnyja snarady dla Ministerstva abarony Rasii.
- Kampanija «KB bieśpiłotnyja viertaloty» i jaje zasnavalnik Uładzimir Čudakoŭ. Firma zajmajecca vytvorčaściu dronaŭ, jakija vykarystoŭvajucca rasijskaj armijaj.
Abiedźvie arhanizacyi ŭžo znachodziacca pad sankcyjami ZŠA, Vialikabrytanii i Kanady. Pavodle źviestak inicyjatyvy Belpol, hetyja pradpryjemstvy adyhryvajuć važnuju rolu ŭ padtrymcy rasijskaj vajennaj infrastruktury.
Čytajcie taksama:
Siejm Litvy padtrymaŭ prapanovu ab nacyjanalnych sankcyjach suprać Biełarusi i Rasii
Pasoł Słavakii salidaryzavaŭsia z Łukašenkam i vystupiŭ suprać padtrymki Ukrainy