U Minpracy patłumačyli, što budzie ź piensijami i dapamohami, kali bazavy rachunak u banku nie adkryty da 20 červienia
Z 1 lipienia 2025 hoda piensii i dapamohi, jakija vypłačvajucca biełarusam orhanami pa pracy, zaniataści i sacyjalnaj abaronie, buduć pieraličvacca na bazavyja rachunki, adkrytyja ŭ bankach
Źviarnucca ŭ bank dla afarmleńnia bazavaha rachunku abo pieraafarmleńnia ciapierašniaha raźlikovaha rachunku ŭ bazavy treba było da 20 červienia 2025 hoda, kab u lipieni biez prablem atrymać piensiju abo dapamohu. Pra toje, što adbudziecca z vypłatami, kali čałaviek spaźniŭsia z adkryćciom bazavaha rachunku, raskazała načalnik hałoŭnaha ŭpraŭleńnia piensijnaha zabieśpiačeńnia Minpracy i sacabarony Biełarusi Alena Homarava, piša BiełTA.
«Kali rachunak usio ž taki budzie adkryty paźniej, to hrošy nie zharać, a buduć vypłačany ŭžo paśla adkryćcia rachunku», — padkreśliła Alena Homarava.
Atrymlivajecca, što vypłaty prypyniajucca da momantu adkryćcia bazavaha rachunku, ale hrošy nie źniknuć — ich pieraličać paźniej.
Śpiecyjalist adznačyła, što nichto nie maje prava prymusova adkryvać rachunak na čałavieka.
Dla adkryćcia bazavaha rachunku moža być vykarystana hienieralnaja davieranaść, kali ŭ dakumiencie prapisany taki funkcyjanał.