Na praciahu dvuch sutak ZŠA prymuć rašeńnie ab mahčymym dałučeńni da vajennych dziejańniaŭ suprać Irana
U ZŠA pa-raniejšamu ličać, što Iran moža viarnucca za stoł pieramovaŭ i zaklučyć pahadnieńnie.
Donald Tramp. Fota: AP Photo / Mark Schiefelbein
Nastupnyja 24—48 hadzin buduć mieć «vyznačalnaje značeńnie» dla vyznačeńnia taho, ci mahčyma dypłamatyčnaje vyrašeńnie kanfliktu ź Iranam abo Donald Tramp moža źviarnucca da vajennych dziejańniaŭ. Pra heta piša ABC News sa spasyłkaj na krynicy.
Paviedamlajecca, što ŭ ZŠA pa-raniejšamu ličać, što Iran moža viarnucca za stoł pieramovaŭ i zaklučyć pahadnieńnie, jakoje patrabuje ad krainy poŭnaha admaŭleńnia ad abahačeńnia ŭranu.
Kali Iran vierniecca da pieramovaŭ i zhodzicca spynić abahačeńnie ŭranu, amierykanskija čynoŭniki ličać, što ŭžo na hetym tydni moža adbycca sustreča sa śpiecyjalnym pasłańnikam Trampa Styvam Uitkafam i, mahčyma, vice-prezidentam ZŠA Džej Dzi Vensam.