Ź Irana evakujavali 23 hramadzian Biełarusi
Dźvie hrupy biełaruskich hramadzian (usiaho 23 čałavieki) 16 červienia paśpiachova vyjechali ź Isłamskaj Respubliki Iran. Pra heta BiełTA paviedamili ŭ pres-słužbie biełaruskaha zamiežnapalityčnaha viedamstva.
Ministerstva zamiežnych spraŭ vykazała asablivuju ŭdziačnaść iranskim i azierbajdžanskim partnioram za pradastaŭlenuju mahčymaść dla vyjezdu hramadzian.
«Ščyra ŭdziačnyja rasijskim kaleham za efiektyŭnaje ŭzajemadziejańnie i padtrymku», — adznačyli ŭ viedamstvie.
Razam ź biełaruskimi hramadzianami Iran pakinuli troje hramadzian Rasii.
Pasolstva Biełarusi ŭ Tehieranie praciahvaje pracu pa ŭstanaŭleńni kantaktaŭ z hramadzianami, jakija zastajucca ŭ krainie, farmiruje śpisy i prapracoŭvaje mahčymyja varyjanty ich vyjezdu.