Iran prypyniŭ zdabyču hazu na najbujniejšym u śviecie radoviščy
Iran častkova prypyniŭ zdabyču hazu na najbujniejšym u śviecie radoviščy «Paŭdniovy Pars» paśla ŭdaru Izraila ŭ subotu. Pavodle iranskich ŚMI, hety ŭdar vyklikaŭ pažar i vybuch na zdabyŭčaj infrastruktury, piša The Moscow Times.
Paŭdniovy Pars. Fota: Wikimedia Commons
Jak paviedamlaje Reuters, izrailski dron vyvieŭ z ładu adzin z čatyroch vytvorčych błokaŭ na hetym radoviščy, jakoje maje reziervy kala 28 tryljonaŭ kubamietraŭ hazu.
«Paŭdniovy Pars», što raźmieščany ŭ Piersidskim zalivie na poŭdzień ad iranskaj pravincyi Bušyr, zabiaśpiečvaje kala 70% hazavaj zdabyčy Irana. Usiaho Iran zdabyvaje kala 250 miljardaŭ kubamietraŭ hazu ŭ hod, što składaje prykładna 6% suśvietnaj zdabyčy, ale amal uvieś hety haz spažyvajecca ŭnutry krainy.
Akramia taho, izrailskija ŭdary byli nakiravanyja na vialikuju naftapłatformu kala Tehierana — «Šachran», i na naftapierapracoŭčy zavod «Šachr Rej», adzin z najbujniejšych u krainie, paviedamlaje Aljazeera.
Analityki ING adznačajuć, što ŭdary byli sfakusavanyja na enierhietyčnaj infrastruktury Irana, jakaja absłuhoŭvaje ŭnutranyja patreby. U adkaz Iran nanios udary pa izrailskich enierhaabjektach: rakiety ŭdaryli pa NPZ i składskich pamiaškańniach u Chajfie.
Čytajcie taksama:
Iran pahražaje pierakryć Armuzski praliŭ. Čym heta pahražaje Jeŭropie i śvietu?
Cana rasijskaj nafty padskočyła amal na 15% za niekalki dzion paśla ŭdaraŭ Izraila pa Iranie