Słavakija prapanuje adkryć dva pramyja avijarejsy ź Minskam
Słavakija prapanuje adkryć avijarejsy pamiž Minskam i Bracisłavaj, a taksama pamiž Mienskam i Popradam, raźmieščanym u Tatrach.
Pra heta paviedamiŭ siońnia na sustrečy z žurnalistami i pradstaŭnikami turapierataraŭ Nadzvyčajny i Paŭnamocny Pasoł Słavakii ŭ Biełarusi Maryjan Siervatka.
Pavodle ambasadara, adsutnaść pramych avijarejsaŭ pamiž Biełaruśsiu i Słavakijaj źjaŭlajecca asnoŭnaj pieraškodaj dla raźvićcia turyzmu i abmienu turystami pamiž krainami. Rašeńnie transpartnaj prablemy dazvolić padniać uzrovień supracoŭnictva ŭ śfiery turyzmu na bolš vysoki.
Maryjan Siervatka płanuje abmierkavać mahčymaści adkryćcia pramych avijarejsaŭ z pradstaŭnikami Ministerstva transpartu i kamunikacyj Biełarusi. Da hetaha adbyłasia sustreča słavackaha pasła i ministra sportu i turyzmu Aleha Kačana, na jakoj užo abmiarkoŭvałasia hetaje pytańnie.
«U toj ža čas heta napramak treba vyvučać, — adznačyŭ dyrektar departamienta pa turyźmie Minsportu Viktar Jankavienka. — Pierš čym naładzić pramoje avijaznosinaŭ, treba pierakanacca ŭ tym, što samaloty buduć zahružany». Zaraz dabracca ź Biełarusi ŭ Słavakiju na samalocie možna tranzitam, u pryvatnaści, praz Prahu.