Tramp prahraziŭ Iranu atakaj «na ŭzroŭni, jaki nikoli raniej nie bačyli», kali toj napadzie na ZŠA
Prezident ZŠA Donald Tramp zajaviŭ, što ZŠA nie ŭdzielničajuć u ciapierašnim kanflikcie pamiž Izrailem i Iranam i zaściaroh Iran ad ataki na amierykanskija abjekty.
Donald Tramp. Fota: Chip Somodevilla / Getty Images
«ZŠA nie majuć nijakaha dačynieńnia da ataki na Iran siońnia ŭviečary», — napisaŭ Tramp u sacsietcy Truth Social.
U toj ža čas jon dadaŭ, što «kali Iran napadzie na nas u luboj formie, ZŠA abrynuć na jaho ŭsiu mahutnaść i siłu svaich Uzbrojenych sił na ŭzroŭni, jakoha śviet jašče nie bačyŭ».
«Tym nie mienš, my možam lohka zaklučyć pahadnieńnie pamiž Iranam i Izrailem i pakłaści kaniec hetamu kryvavamu kanfliktu!!!» — napisaŭ kiraŭnik Biełaha doma.