Ukraina i Rasija abmianiali čarhovyja hrupy paranienych i chvorych pałonnych

14 červienia adbyŭsia čarhovy etap vialikaha abmienu pałonnymi ŭ katehoryi «paranienyja i ciažkachvoryja» ŭ miežach damoŭlenaściaŭ dasiahnutych u Stambule, paviedamiŭ ukrainski Kaardynacyjny štab pa pytańniach abychodžańnia z vajennapałonnymi.

Na radzimu viarnulisia vajskoŭcy Uzbrojenych sił Ukrainy, u tym liku z Desantna-šturmavych vojskaŭ, Vajskova-marskich siłaŭ, Siłaŭ terytaryjalnaj abarony, Dziaržaŭnaj pamiežnaj słužby, Nacyjanalnaj hvardyi i Dziaržaŭnaj śpiecyjalnaj słužby transpartu.

Bolšaść vyzvalenych siońnia bajcoŭ znachodzilisia ŭ pałonie z 2022 hoda, mnohija trapili tudy padčas abarony Maryupala.

Siarod tych, chto viarnuŭsia, pieravažajuć aficery. Niekatoryja z vyzvalenych — maładyja ludzi va ŭzroście da 25 hadoŭ.

Usiaho viarnulisia dadomu ukraincy, što ŭdzielničali ŭ bajach na Danieckim, Zaparožskim, Łuhanskim, Chiersonskim, Charkaŭskim, Sumskim i Kurskim napramkach.

Paśla viartańnia ŭsie vyzvalenyja projduć miedycynski ahlad, atrymajuć nieabchodnuju fizičnuju i psichałahičnuju reabilitacyju, a taksama ŭsie naležnyja vypłaty za čas znachodžańnia ŭ pałonie.

Kamientary da artykuła