Tramp i Zialenski nie sustrenucca na samicie NATA praz ryzyku svarak
Arhanizatary samitu NATA ŭ Haazie staranna płanujuć pratakoł, kab nie dapuścić kanfliktaŭ prezidenta ZŠA Donalda Trampa ź inšymi lidarami.
Donald Tramp i Uładzimir Zialenski ŭ Vatykanie padčas raźvitańnia z Papam Franciškam. Fota: pres-słužba prezidenta Ukrainy / Getty Images
Uzajemadziejańnie pamiž Trampam i prezidentam Ukrainy Uładzimiram Zialenskim budzie abmiežavana z-za ryzyki publičnaj svarki, piša The Telegraph.
Taksama nie budzie nijakich sustreč Kantaktnaj hrupy pa pytańniach abarony Ukrainy, jakaja kaardynuje vajennuju dapamohu Zachadu Kijevu, abo «kaalicyi achvotnych» — anhła-francuzskaj inicyjatyvy pa kantroli za spynieńniem ahniu.
Samit NATA adbudziecca 24—25 červienia 2025 hoda ŭ kanfierenc-centry World Forum u Haazie.
Heta budzie pieršy samit NATA ŭ Niderłandach i adnačasova pieršy pad staršynstvam novaha hienieralnaha sakratara Marka Rute.