Kiroŭca biez pravoŭ na Vialikdzień urezaŭsia ŭ prydarožny kryž
Kiroŭca, jaki nie maje pravoŭ na kiravańnie aŭtamabilem, na Vialikdzień urezaŭsia ŭ prydarožny kryž u Połackim rajonie. Pra heta paviedamili ŭ UDAI MUS Biełarusi.
24‑hadovy mužčyna viečaram na ŭjeździe ŭ adnu ź viosak nie daŭ rady kiravańniu mašynaj i ŭrezaŭsia ŭ prydarožny kryž. Mašyna źjechała ŭ levy kiuviet, kiroŭca atrymaŭ cialesnyja paškodžańni, ad jakich pamior u špitali ŭžo na nastupny dzień.
Pakul u milicyi niama źviestak pra toje, ci byŭ jon ćviarozym abo znachodziŭsia ŭ stanie ałkaholnaha apjanieńnia. Abstaviny DTZ vyśviatlajucca.