U Pinskim rajonie znajšli kości ludziej — jość viersija, što heta sałdaty Pieršaj suśvietnaj vajny
Čałaviečyja pareštki znajšli, kali raspracoŭvali piasčany karjer.
Fota: Dziaržaŭny kamitet sudovych ekśpiertyz
U Pinskim rajonie padčas ziemlanych rabot na piasčanym karjery znajšli čałaviečyja kostki. Bryhada budaŭnikoŭ vyjaviła znachodku pablizu vioski Dubaje.
Frahmienty kostak zabrali i nakiravali ŭ Dziaržaŭny kamitet sudovych ekśpiertyz dla praviadzieńnia miedyka-kryminalistyčnaj ekśpiertyzy.
Ekśpiert ustanaviŭ, što kaścianyja pareštki naležać nie mienš jak dvum ludziam, uličvajučy najaŭnaść frahmientaŭ dvuch čarapoŭ. Pachavali ich bolš za 80 hadoŭ tamu.
Zhodna sa słovami miascovych žycharoŭ, u pieryjad Pieršaj suśvietnaj vajny na hetaj terytoryi znachodziŭsia niamiecki špital.