Kamandzir «Achmata» zaklikaŭ abviaścić u Rasii mabilizacyju na fonie atak Izraila na Iran
U svaim telehram-kanale kamandzir dobraachvotnickaha farmiravańnia «Achmat» i namieśnik načalnika Hałoŭnaha vajenna-palityčnaha ŭpraŭleńnia Uzbrojenych sił RF Apci Ałaudzinaŭ apublikavaŭ videa, na jakim prakamientavaŭ ataku Izraila na iranskija jadziernyja abjekty i vajennaje kiraŭnictva.
Jon zaklikaŭ rasijan zhurtavacca, kab «nichto nie paśmieli z nami voś tak hulać, jak pahulali z usimi dziaržavami, ciapier užo i ź Iranam».
«Nam treba abviaščać mabilizacyju, nam treba zahadzia rychtavać minimum 500 tysiač, a nasamreč — miljon čałaviek pryzvać i pačać ich rychtavać».
Ałaudzinaŭ pierad hetym zaklikam na videa adznačyŭ, što heta jaho asabistaje mierkavańnie.