Siońnia ŭ Biełarusi abmiežavali prodaž ałkaholu
U piatnicu, 13 červienia, u krainie ŭviedzieny abmiežavańni na prodaž ałkaholu. Heta źviazana z vypusknymi viečarami. Abmiežavańni pa prodažy ałkaholu ŭ kožnym rajonie ŭstanaŭlivajuć miascovyja ŭłady.
Naprykład, mnohija rajony ŭviali takuju mieru da kanca dnia piatnicy, 13 červienia. Inšyja ž ustanavili abmiežavańni z 8:00 13 červienia da 8:00 14 červienia. A ŭ niekatorych rajonach ałkahol nie buduć pradavać tolki ŭ druhoj pałovie dnia piatnicy.
Tradycyjna na čas praviadzieńnia školnych mierapryjemstvaŭ pa ŭsioj krainie zabaraniajecca roźničny prodaž ałkaholu. Vyklučeńnie — va ŭstanovach hramadskaha charčavańnia, jakija pradajuć napoi na raźliŭ. Ałkahol taksama budzie dastupny dla viasielnych uračystaściej, jubilejaŭ abo rytualnych cyrymonij.
Anałahičnyja miery dziejničali 24 maja — u dzień praviadzieńnia apošnich zvankoŭ u škołach.