Pryhožuju trapičnuju ptušku zaŭvažyli ŭ Biełarusi
U Vietkaŭski rajon ź zimoŭki prylacieła trapičnaja ptuška, uklučanaja ŭ Čyrvonuju knihu. Heta załataja ščurka.
Załataja ščurka — pieralotnaja ptuška, zimuje ŭ trapičnaj Afrycy abo Indyi. U Biełaruś prylataje tolki ŭ kancy maja na dva miesiacy.
Vykładčyca kafiedry bijałohii Homielskaha dziaržaŭnaha ŭniviersiteta Iryna Kuračanka praviała abśledavańnie terytoryi AAT «Iskra-Vietka». Jana kaža, što tam załataja ščurka žyvie sumiesna z kałonijaj bierahavych łastavak. Tamu dla zachavańnia miescaŭ jaje pražyvańnia rekamiendavana zabarona na praviadzieńnie ziamielnych rabot na terytoryi karjera. Akramia taho, treba abmiežavać kolkaść techniki na pieryjad vyvadu patomstva — da žniŭnia 2025 hoda.