Nacbank prahnazuje źnižeńnie stavak pa karotkich depazitach
Nacyjanalny bank prahnazuje ŭ najbližejšy čas pastupovaje źnižeńnie pracentnych stavak pa karotkaterminovych układach. Pra heta paviedamiŭ u efiry telekanała «Pieršy infarmacyjny» pieršy namieśnik staršyni praŭleńnia Nacbanka Alaksandr Jahoraŭ.
Pavodle infarmacyi Nacbanka, z pačatku hetaha hoda siarednija staŭki pa karotkich depazitach vyraśli z 8,53% da 11,08%.
Pa doŭhaterminovych układach staŭki taksama płaŭna pavialičylisia. Kali ŭ studzieni 2025 hoda jany składali 13,76%, to ŭ krasaviku — 14,46%.
Na dumku Alaksandra Jahorava, u bližejšaj pierśpiektyvie vyraście roźnica pa pracentnych staŭkach na doŭhija i karotkija depazity. Sprava ŭ tym, što staŭki pa karotkaterminovych depazitach pačnuć pastupova źnižacca, a pa doŭhaterminovych zastanucca na raniejšym uzroŭni.