56-hadovuju viciablanku buduć sudzić za pornastrymy ŭ internecie
56-hadovaja žančyna ź Viciebska budzie addadziena pad sud za toje, što zajmałasia płatnymi pornastrymami ŭ internecie, paviedamiŭ Śledčy kamitet.
Fota ilustracyjnaje
Pavodle materyjałaŭ śledstva, u lipieni 2023 hoda žančyna zarehistravałasia na pornasajcie i vykładała videa sa svaim udziełam u płatnym dostupie. Kab zarabić bolš, žančyna pravodziła žyvyja efiry z demanstracyjaj parnahrafičnych scen i vykonvała zadańni karystalnikaŭ sajta za tokieny.
Na jaje źviarnuli ŭvahu zimoj 2025 hoda padčas manitorynhu milicyjaj sacyjalnych sietak i internet-resursaŭ. U chodzie śledstva byli dapytanyja padazravanaja i śviedki, a taksama kanfiskavanyja i vyvučanyja kampjutarnaja technika, seksualnyja pradmiety i videazapis tranślacyi.
Akramia taho, było praviedziena kulturałahačnaja ekśpiertyza, jakaja paćvierdziła, što videamateryjały majuć parnahrafičny charaktar. Śledčy kamitet taksama pravieryŭ ruch hrošaj pa bankaŭskich kartach, na jakija pastupali dachody ad hetaj dziejnaści.
Žančynu abvinavacili pa artykule 343 Kryminalnaha kodeksa — u vytvorčaści, zachoŭvańni, raspaŭsiudzie, rekłamie i tranślacyi parnahrafičnych materyjałaŭ z metaj atrymańnia prybytku.
Čytajcie taksama:
Ciažarnuju minčanku asudzili za pracu vebkam-madellu. Jana vinnaja dziaržavie 378 tysiač dalaraŭ
Siłaviki złavili 20-hadovuju minčanku, jakaja viała eratyčnyja strymy z prymieračnych u kramach
Pradprymalnaja žycharka Bresta skačvała ŭ internecie čužoje porna i pradavała jak svajo