U Minsku razburajuć murał na Mašerava, jaki letaś «restaŭravali»
U Minsku rujnujuć murał na budynku, dzie raniej raźmiaščałasia kulturnaja prastora «Korpus». Fota «abnoŭlenaha» budynka źjaviłasia na instahram-staroncy dydžeja Alaksandra Bahdanava (Papa Bo Selektah), piša «Lusterka».
Razbureńnie murała na byłym budynku «Korpusa» na vulicy Mašerava ŭ Minsku. Fota: instagram.com/papaboselektah
Jak vidać na fota, pakryćcio razam z murałam amal całkam prybrali z cahlanych ścien budynka na vulicy Mašerava, 9.
Murał u 2017 hodzie stvaryŭ brazilski mastak Dyjeha Dedablia ŭ ramkach fiestyvalu Vulica Brazil.
Hod tamu, u červieni 2024-ha, u Minsku na budynku byłoha «Korpusa» pravodzilisia raboty — pa apublikavanym videa možna było padumać, što hrafici zafarboŭvajuć. Heta akazałasia iłžyvaj tryvohaj: murał restaŭravali. Tady pra heta paviedamili i administracyja rajona, i zaniepakojenyja mienčuki.
Murał na Mašerava 9/8 u Minsku pa stanie na 21 červienia 2024 hoda. Fota: Shrysalismagazine
Kulturny centr «Korpus» spyniŭ pracu ŭ Minsku ŭ 2021 hodzie, na jaho miescy adkryłasia art-bistro z morapraduktami.
Čytajcie taksama:
Pad Homielem źjaviłasia dvuchsensoŭnaje hrafici
Bačyli, jak niezvyčajna i pa-instahramnamu aformili dvor na Daŭhabrodskaj?
Toj samy ciahnik nad «Haryzontam» — usio. Voś što stała z adnym z samych paznavalnych murałaŭ Minska
Usiu Biełaruś pačali razmaloŭvać prymityŭnymi murałami ad BRSM