Vychodzić halivudski bajavik, dzie pakazvajuć Biełaruś
Novy amierykanski bajavik «Kiraŭniki dziaržaŭ» (Heads of State) 2 lipienia vypuskaje Amazon Prime. U anonsie filma pra zamovu suprać suśvietnych lidaraŭ milhaje Biełaruś — ź biełaruskimi vajskoŭcami, sabakami i kalučym drotam.
Kadr ź filma
Siužet składajecca z taho, što bort №1 ZŠA, u jakim laciać prezident ZŠA i premjer Brytanii, źbivajuć niedzie nad «varožaj terytoryjaj».
Vyhladaje, što heta «varožaja terytoryja» — Biełaruś. Na kadrach (1:36 chvilina) bačna, jak hieroi chavajucca ŭ hruzaviku z aviečkami. Na HAZ — biełaruski numar «8294 SD-3», a da mašyny idzie vajskoviec z čyrvona-zialonym ściaham na formie.
Vakoł bačny kalučy drot i bietonnyja błoki, bronietechnika, vajskoviec z sabakam — padobna da kantrolna-prapusknoha punkta.
«Kiraŭniki dziaržaŭ» — heta ekšn-kamiedyjny film, źniaty rasijskim režysioram Illoj Najšuleram, viadomym pa filmach «Chardkor» i «Nichto».
Vychad filma zapłanavany na 2 lipienia 2025 hoda.