Kampanija Renault płanuje pačać vytvorčaść dronaŭ va Ukrainie
Francuzski aŭtakancern Renault razhladaje mahčymaść stvareńnia vytvorčaści bieśpiłotnikaŭ na terytoryi Ukrainy.
Ilustracyjnaje fota: AP Photo/Efrem Lukatsky, File
Jak paviedamiŭ pradstaŭnik kampanii ahienctvu AFP, z takoj prapanovaj da ich źviarnułasia Ministerstva abarony Francyi. Adnak kančatkovaje rašeńnie pakul nie pryniataje — Renault čakaje «dadatkovaj infarmacyi ad Ministerstva», piša Bild.
Havorka idzie ab sumiesnym prajekcie Renault z adnoj z francuzskich abaronnych kampanij. Vytvorčyja mahutnaści, dzie budzie naładžany vypusk dronaŭ, płanujecca raźmiaścić niedaloka ad linii frontu.
Ministr abarony Francyi Siebaśćien Lekarniu raniej paviedamiŭ, što adzin z najbujniejšych aŭtavytvorcaŭ krainy ŭstupić u «zusim novaje partniorstva» z abaronnaj kampanijaj, kab razharnuć va Ukrainie zboračnyja linii pa vytvorčaści bieśpiłotnikaŭ.
Čakajecca, što vyrablenyja na miescy drony buduć pastaŭlacca ŭkrainskim uzbrojenym siłam. Akramia taho, ich płanujuć vykarystoŭvać i francuzskija vajskoŭcy dla «taktyčnych vučeńniaŭ».