Palitviazień Alaksandr Łaŭrenćjeŭ całkam adbyŭ termin i vyjšaŭ na volu
Alaksandr Łaŭrenćjeŭ byŭ za kratami bolš za 3 hady. Pra jaho vyzvaleńnie paviedamili hrodzienskija pravaabaroncy.
Alaksandr — palityčny aktyvist z Hrodna. U 2017 hodzie jon vystupaŭ na akcyjach pratestu, źviazanych z uviadzieńniem «padatku na darmajedstva». U 2019 hodzie pastaviŭ namiot pierad administracyjaj Kastryčnickaha rajona Hrodna, kab vyrašyć žyllovaje pytańnie.
U 2020 hodzie pravioŭ šerah akcyj za ŭviadzieńnie karancinu ŭ Biełarusi padčas pandemii COVID-19. Viadoma, što vosieńniu 2020-ha hodu mužčyna źjechaŭ u Polšču, ale potym viarnuŭsia i žyŭ u Hrodnie.
Mužčynu asudzili da 3 hadoŭ i 4 miesiacaŭ źniavoleńnia ŭ kałonii va ŭmovach ahulnaha režymu za «abrazu Łukašenki» i «abrazu pradstaŭnika ŭłady».
Uletku 2024 hoda Alaksandru dadali jašče 1 hod źniavoleńnia pavodle artykuła 411 KK (złosnaje niepadparadkavańnie patrabavańniam administracyi papraŭčaj ustanovy).