Nie zabudźcie ŭpryhožyć damy majem. Siońnia — Siomucha
Trojca ŭ pravasłaŭnych, Spasłańnie Śviatoha Ducha ŭ katalikoŭ i pratestantaŭ — siońnia śviatkujucca ŭ adzin dzień, bo ŭ adzin dzień byŭ Vialikdzień.
El Hreka. Spasłańnie Ducha Śviatoha, 1597 hod. Zachoŭvajecca ŭ Museo Nacional del Prado. Fota: Wikimedia Commons
Pravasłaŭnyja siońnia śviatkujuć Dzień Śviatoj Trojcy (Siomuchu) — adno z najvialikšych śviataŭ.
Dzień Śviatoj Trojcy ŭ pravasłaŭnych adznačajecca ŭ piacidziasiaty dzień paśla Vialikadnia, u niadzielu, tamu hety dzień jašče nazyvajuć Piacidziasiatnicaj abo Siomuchaj (siem tydniaŭ paśla Vialikadnia).
Spasłańnie Śviatoha Ducha na apostałaŭ apisana ŭ Dziejach śviatych apostałaŭ. Apostały znachodzilisia ŭ Sijonskaj śviatlicy ŭ Jerusalimie. Raptoŭna pačuŭsia šum ź nieba, jak by ad pavievu mocnaha vietru, i napoŭniŭ uvieś dom. I źjavilisia im jazyki padzielenyja, jak by ahniavyja, i apuścilisia pa adnym na kožnym ź ich. Usie spoŭnilisia Ducha Śviatoha i stali słavić Boha na roznych movach, jakich raniej nie viedali.
Spasłańnie Śviatoha Ducha na apostałaŭ i Trojca ŭ katalikoŭ i pratestantaŭ — heta dva roznyja śviaty. U Pravasłaŭnaj Carkvie — adno.
U biełarusaŭ na Siomuchu pryniata ŭpryhožvać chramy i chaty biarozavymi halinami, ajeram, travoj i kvietkami. Hetuju zielaninu nazyvali «majem».
Duchmianymi travami vyściłali padłohi, a biarozavyja halinki stavili navat u cerkvach. Pryhožaja tradycyja, vartaja zachavańnia.
Trojca ŭ pryfrantavym Zaparožžy, 2023 hod. Fota: AP Photo / Andriy Andriyenko