Astraviecki rajon abyšoŭ Minsk pa zarobkach
Pavodle danych za krasavik 2025 hoda, Astraviecki rajon Hrodzienskaj vobłaści pakazaŭ siaredni naminalny naličany zarobak u 3924,3 rubla, što amal na 425 rubloŭ bolš, čym u Minsku, piša Onliner.by.
Dla paraŭnańnia, u Minsku anałahičny pakazčyk skłaŭ 3499,8 rubla. Idzie havorka pra zarobak da ŭtrymańnia padatkaŭ i ŭznosaŭ (to-bok «brudnymi»).
Vysoki ŭzrovień dachodaŭ u Astravieckim rajonie tłumačycca tym, što mienavita tut raźmieščana Biełaruskaja atamnaja elektrastancyja. Padobnyja bujnyja pradpryjemstvy, asabliva ŭ śfiery enierhietyki i pramysłovaści, časta farmirujuć padvyšanyja siarednija zarobki ŭ rehijonie.
Siarod inšych rajonaŭ z vysokimi dachodami ŭ krasaviku adznačylisia:
- Minski rajon — 3262,8 rubla
- Salihorski rajon — 3204 rubli
- Rečycki rajon — 2875,8 rubla
- Dziaržynski rajon — 2791,4 rubla