Piać hadoŭ tamu aryštavali Paŭła Sieviarynca
Praz hod paśla zatrymańnia jamu dali siem hadoŭ kałonii ŭzmocnienaha režymu.
Paŭła Sieviarynca zatrymali 7 červienia 2020 hoda, za dva miesiacy da pačatku pratestaŭ, kala svajho doma, kali toj viartaŭsia z Kamaroŭki ź pieradvybarčaha pikieta Śviatłany Cichanoŭskaj.
Spačatku jamu niekalki razoŭ davali administracyjnyja sutki, ale tak i nie adpuścili, u vyniku ŭ žniŭni 2020 hoda zavioŭšy kryminalnuju spravu.
Praz hod jaho asudzili (sudździa Iryna Łančava) na siem hadoŭ kałonii ŭzmocnienaha režymu za «padrychtoŭku da ŭdziełu ŭ masavych biesparadkach».
Adbyvaŭ pakarańnie ŭ škłoŭskaj kałonii, ale ŭ červieni 2023 h. u Škłovie adbyŭsia sud pa zamienie režymu ŭtrymańnia. Sudździa Alaksandr Tarakanaŭ pastanaviŭ pieravieści palityka ŭ turmu terminam na try hady. Paŭła pieraviali ŭ turmu № 1 u Hrodnie.