Z-za ŭdaru małanki ŭ Mahiloŭskim i Babrujskim rajonach zaharelisia dva damy
Niepahadź pryniesła vialikija niepryjemnaści dźvium haspadyniam dačnych damoŭ — u sadovym tavarystvie «Budaŭnik-1» Babrujskaha rajona i «Nadzieja-Ščežar» Mahiloŭskaha rajona, paviedamlaje MNS.
Paviedamleńnie pra pažar u ST «Budaŭnik-1» pastupiła 5 červienia ŭ pałovu dziasiataj viečara ad susiedziaŭ. Jak raspaviali vidavočcy, dom zahareŭsia adkrytym połymiem. 70-hadovaja haspadynia dačy pražyvaje ŭ Babrujsku, u momant zdareńnia jana znachodziłasia doma, na dačy nikoha nie było.
Pažar źniščyŭ dach, paškodziŭ rečy na mansardnym paviersie. Razhladajecca viersija pra trapleńnie ŭ dom navalničnaha razradu.
U 22:08 pastupiŭ zvanok pra pažar u ST «Nadzieja-Ščežar» Mahiloŭskaha rajona. Supracoŭniki MNS likvidavali adkrytaje hareńnie doma. Haspadynia paćvierdziła, što ŭ pamiaškańni nikoha niama.
Paškodžany pierakryćcie, dach i majomaść. Razhladanaja pryčyna pažaru — trapleńnie małanki.