BIEŁ Ł RUS

Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca

4.06.2025 / 20:54

Nashaniva.com

Ale palityk usio jašče im karystajecca, zaŭvažyŭ telehram-kanał ČTD.

Uładzimir Pucin u sakaviku 2025 hoda. Fota: pres-słužba palityka

Na kampjutary, što staić na pracoŭnym stale ŭ Pucina, ustanoŭlena apieracyjnaja sistema Windows XP. Jana była vypuščanaja jašče ŭ 2001 hodzie, Microsoft spyniła jaje padtrymku ŭ 2014-m, a apošniaje abnaŭleńnie biaśpieki dla jaje było vypuščana ŭ 2019-m.

Heta značyć, što kampjutar Pucina ŭraźlivy da pahroz, jakija mahli źjavicca ŭžo paśla 2019 hoda.

Aŭtary kanała miarkujuć, što Pucin sapraŭdy karystajecca svaim pracoŭnym kampjutaram: miarkujučy pa fatahrafijach, na pracoŭnym stale źmianiajecca kolkaść abrazkoŭ.

Jany taksama zaŭvažajuć, što pra sastarełuju apieracyjnuju sistemu ŭ Pucina miedyja napisali jašče ŭ 2019 hodzie. Ale techničnyja śpiecyjalisty Kramla dahetul jaje nie zamianili.

Čytajcie taksama:

Kamientary da artykuła