Na vystavie «Biełahra» pieramoh Pryhožyn
Na mižnarodnaj sielskahaspadarčaj vystavie praviali konkurs na najlepšaha plemiannoha žarabca.
Fota: «Minskaja praŭda»
Žarabiec pa mianušcy Pryhožyn z «Paleskaj nivy» na Stolinščynie vyjhraŭ konkurs na najlepšaha plemiannoha žarabca na mižnarodnaj vystavie «Biełahra-2025».
Pryhožyn — heta žarabiec biełaruskaj zapražnoj parody, jamu šeść hadoŭ. Pryroda takoj niezvyčajnaj dla biełaruskaha kania mianuški nieviadomaja. Pieramožca vyłučyŭsia vydatnymi parodnymi jakaściami, eksterjeram i spadčynnymi charaktarystykami, piša «MP».
Pryhožyn. Fota: expoconf.online
Darečy, tytuł «Najlepšaja plemiannaja kabyła» zavajavała taksama kabyła ź niezvyčajnaj mianuškaj — Kazań z saŭhasa «Lidski». Biełaruskaj zapražnoj parody, narodžanaja ŭ 2020 hodzie, jana prademanstravała nie tolki vydatny eksterjer, ale i vysoki repraduktyŭny patencyjał.
Fota: «Minskaja praŭda»
U naminacyi «Najlepšy plemianny maładniak» pieramoh žarebčyk Kumir, susied Kazani pa saŭhasie. Jaho nazvali simvałam budučaj ajčynnaha koniehadoŭli.