U Biełaruś prylacieŭ patryjarch Kirył
Vizit kiraŭnika RPC prymierkavany da śviatkavańnia 900-hodździa Spasa-Jeŭfrasińnieŭskaha žanočaha manastyra ŭ horadzie Połacku.
Fota: Yegor Aleyev/TASS Host Photo Agency Pool Photo via AP
Siońnia Kirył uskładzie vianok da Manumienta Pieramohi ŭ Minsku, uznačalić słužeńnie ŭ Śviata-Duchavym kafiedralnym sabory ŭ sasłužeńni kiraŭnika BPC Vienijamina, archipastyraŭ Minskaj mitrapolii i duchavienstva stalicy Biełarusi.
5 červienia ŭ Połackim Spasa-Jeŭfrasińnieŭskim žanočym manastyry projduć uračystaści, prymierkavanyja da 900-j hadaviny jaho zasnavańnia. Śviatkavańni pačnucca ranicaj ź liturhii ŭ Safijskim sabory i tradycyjnaha chresnaha chodu pa vulicach Połacka da ścien manastyra.
A 10:00 adbudziecca sustreča ŭładyki ŭ Kryžaŭźvižanskim sabory Połackaha Spasa-Jeŭfrasińnieŭskaha manastyra, dzie pradstajaciel RPC uznačalić liturhiju ŭ sasłužeńni Vienijamina, archipastyraŭ i duchavienstva.
Va ŭračystaściach voźmuć udzieł śviatary, ihumieńni manastyroŭ Biełarusi i Rasii, pradstaŭniki ŭłady, pilihrymy.
Zavieršycca vizit 6 červienia.