Muzyčny teatr u Minsku źbirajucca zakryć na rekanstrukcyju ŭ 2026 hodzie
Budynak Biełaruskaha dziaržaŭnaha akademičnaha muzyčnaha teatra maje patrebu ŭ rekanstrukcyi. Da rabot płanujuć prystupić u 2026 hodzie. Pra heta Minsk-navinam raspaviała načalnik upraŭleńnia kultury Minharvykankama Kaciaryna Łučyna.
— Zaraz my zajmajemsia raspracoŭkaj prajekta rekanstrukcyi muzyčnaha teatra, — adznačyła K. Łučyna. — Płanujem pravieści madernizacyju hetaha budynka. Całkam abnovim usio abstalavańnie, scenu, zały i inšyja pamiaškańni. Dumaju, prystupim da rabot užo ŭ pačatku 2026 hoda — u studzieni adznačym jubilej teatra, a zatym adrazu ž zakryjem jaho na rekanstrukcyju.
Načalnik upraŭleńnia kultury Minharvykankama padkreśliła: vykanańnie ramontu ŭ budynku nie aznačaje, što teatr pierastanie funkcyjanavać. Siońnia razhladajucca roznyja placoŭki, dzie mahli b prachodzić śpiektakli.