Litoŭski deputat: Niama nijakich prykmiet taho, što Rasija ci Biełaruś mohuć napaści na krainy NATA ŭ 2025-m
Staršynia Kamiteta nacyjanalnaj biaśpieki i abarony Siejma Litvy Hiedrymas Jehlinskas vystupiŭ z takoj zajavaj paśla taho, jak Uładzimir Zialenski zaklikaŭ źviarnucca ŭ vyviedku pa infarmacyju ab płanach Biełarusi padčas vučeńniaŭ.
Hiedrymas Jehlinskas. Fota: fejsbuk palityka
«Naša vyviedka vydatna bačyć, što adbyvajecca ŭ Biełarusi, vyviedka krain NATA bačyć, što adbyvajecca ŭ Biełarusi, i ciapier niama nijakich prykmiet taho, što Rasija ci, tym bolš, Biełaruś mahli b, byli b u siłach raspačać kanviencyjanalnuju ataku na krainy NATA», — skazaŭ Hiedrymas Jehlinskas.
2 červienia Uładzimir Zialenski na samicie ŭ Vilni źviarnuŭsia da lidaraŭ Bucharesckaj dziaviatki i Paŭnočnych krain.
Jon zaklikaŭ ich źviarnucca ŭ vyviedku pa infarmacyju ab płanach Biełarusi padčas vučeńniaŭ «Zachad», jakija projduć hetaj vosieńniu.