U MZS Biełarusi vyzvaleńnie Jurasia Ziankoviča nazvali krokam da dyjałohu z ZŠA
Minsk adkryty da dyjałohu z administracyjaj prezidenta ZŠA Donalda Trampa pa ŭsich napramkach supracoŭnictva. Pra heta zajaviŭ TASS pres-sakratar MZS Biełarusi Rusłan Varankoŭ.
Juraś Ziankovič. Skrynšot videa ANT
Tak aficyjny pradstaŭnik biełaruskaha zamiežnapalityčnaha viedamstva prakamientavaŭ pytańnie ab vyzvaleńni amierykanskaha hramadzianina Juryja Ziankoviča, asudžanaha ŭ 2022 hodzie pa kryminalnaj spravie ab «sprobie dziaržaŭnaha pieravarotu».
«My ŭ Respublicy Biełaruś bačym patencyjał uzajemadziejańnia ź ciapierašniaj administracyjaj ZŠA i adkryty da dyjałohu pa ŭsich napramkach supracoŭnictva», — patłumačyŭ Varankoŭ.
Jurasia Ziankoviča aryštavali ŭ krasaviku 2021 hoda ŭ Maskvie razam z Alaksandram Fiadutam i Ryhoram Kastusiovym pa spravie ad dziaržpieravarocie i asudzili na 11 hadoŭ. 30 krasavika 2025 hoda Ziankoviča vyzvalili i pieradali ZŠA.
Čytajcie taksama:
Juraś Ziankovič raskazaŭ pra svajo vyzvaleńnie i šlach u ZŠA